| يوميات بحرية | |
|
|
كاتب الموضوع | رسالة |
---|
حرفوش المجذوب المشرف العام
عدد المساهمات : 422 نقاط : 581 تاريخ التسجيل : 01/01/2010 العمر : 55
| موضوع: يوميات بحرية الثلاثاء يوليو 26, 2011 1:34 pm | |
| يوميات بحريه شعر/ نـاصــــــــــر صــــــــــــلاح
على شط البحر الناس 000 بتعيش لحظات وساعات 000 وساعات الناس بتموت 0000 لحظات وأنا أول يوم بدماغي رميت وسط القناديل على الشط واليوم التانى بقيت درويش مجذوب مع موج البحر انشال وانحط فى اليوم التالت بافتح أبواب القلب وبسرسب كل همومى 000 للأصداف وباغوط جوه الأسرار 00 ولا اخاف فى اليوم الرابع بابقى ملاك بابحث عن حور العين والشمس تلملم جدايلها وبتودع موج البحر وتسيبه للعب الشياطين فى اليوم الخامس باستسلم للأذكار من بعد الفجر وقبل غروب الضى فى وسط الموج الجاى بياخد بركاتى من فوج ورا فوج فى اليوم السادس بابحث عن عقلي ما بين 000 الباقي من القناديل 000 الهارب وسط الرمل واحسب فى الوقت الباقي لحظات الاستسلام للعودة وهدايا الأهل فى اليوم السابع أرمى بروحي فى حضن البحر وباحضن فيه وامسح فى دموعه وباداديه وباودع كل ساعات المتعه معاه وباعهده بإذن الله لو كان فيه عمر راح أقابله العام الجاى واخرج ودموعى تزيد ملحه وباصب جراحي على جرحه لكن الصدف اللي صاحبني فى لحظات المتعه وشال همى اتجمع وينادى عليا تعالى 00 تعالى ارجع افرح واتلفت من شوقى فيقول على فين لك عندى امانه ليه ناسيها ازاى راح ترجع على قبرك من غير همك
حــــرفــــــوش الــمــجـــــــذوب الأربعاء 20/7/2011
| |
|
| |
soadat مبدع كبير
عدد المساهمات : 814 نقاط : 1462 تاريخ التسجيل : 15/01/2010 العمر : 71
| موضوع: رد: يوميات بحرية الثلاثاء يوليو 26, 2011 5:37 pm | |
| لكن الصدف اللي صاحبني فى لحظات المتعه وشال همى اتجمع وينادى عليا تعالى 00 تعالى ارجع افرح واتلفت من شوقى فيقول على فين لك عندى امانه ليه ناسيها ازاى راح ترجع على قبرك من غير همك حمدا لله على السلامة قصيدة جميلة والمرة القادمة لا تلتفت يمينا أو يسارا ، أزاح الله عنك وعن الجميع كل مكروه . | |
|
| |
ozorees_moslim مدير المنتدى
عدد المساهمات : 1389 نقاط : 2230 تاريخ التسجيل : 31/12/2009 الموقع : ozorees_moslim
| موضوع: رد: يوميات بحرية الأربعاء يوليو 27, 2011 7:17 am | |
| أولا : حمدا لله على سلامتك ورحلة سعيدة وموفقة بإذن الله أما عن النص:لكي نحصل نص جديد ستكون النفقات باهظة لأننا في حاجة لتوفير نفقات أسبوع في مصيف جمصة...... بداية النص قوية وبها حس الحكيم العالم ببعض الأسرار
على شط البحر الناس 000 بتعيش لحظات وساعات 000 وساعات الناس بتموت 0000 لحظات
وتقسيم الرحلة إلى سبعة أيام كل يوم له دلالة جيد وأعجبتنى جدا النهاية
لكن الصدف اللي صاحبني فى لحظات المتعه وشال همى اتجمع وينادى عليا تعالى 00 تعالى ارجع افرح واتلفت من شوقى فيقول على فين لك عندى امانه ليه ناسيها ازاى راح ترجع على قبرك من غير همك
لكنني توقعت ردا من البحر عليهم النص به الكثير من الصور الجمالية وغير نمطي..... توقفت قليلا عند الأفعال الواردة في النص من حيث دلالتها الزمنية في المقطع الأول بتعيش/بتموت (مضارع) في اليوم الأول : بدماغي رميت وسط القناديل ع الشط رميت (ماض) وتقديم دماغي المفعول على الفعل ووضع الباء بـدماغي والأسهل رميت دماغي لكنها لن تستقيم وزنا ولن يستعصي على الشاعر إيجاد الحل، وربما أراد تقديم الدماغ وكأنه تخلص منها.....!!
في اليوم الثانى:بقيت درويش (صار -الزمن في الماضي ويفيد الحاضر) مع موج البحر انشال/ وانحط (مضارع) فى اليوم التالت بافتح أبواب القلب (مضارع) وبسرسب كل همومى ....(مضارع) للأصداف وباغوط جوه الأسرار00 (مضارع) ولا اخاف (مضارع)
فى اليوم الرابع بابقى ملاك (مضارع) بابحث عن حور العين (مضارع) والشمس تلملم جدايلها (مضارع) وبتودع موج البحر (مضارع) وتسيبه للعب الشياطين (مضارع)
باستسلم للأذكار (مضارع) من بعد الفجر وقبل غروب الضى فى وسط الموج الجاى بياخد بركاتى (مضارع) من فوج ورا فوج
فى اليوم السادس بابحث عن عقلي ما بين 000 الباقي من القناديل 000(مضارع) الهارب وسط الرمل واحسب فى الوقت الباقي (مضارع) لحظات الاستسلام للعودة وهدايا الأهل
فى اليوم السابع أرمى بروحي فى حضن البحر (مضارع) وباحضن فيه (مضارع) وامسح فى دموعه وباداديه (مضارع) وباودع كل ساعات المتعه معاه (مضارع) وباعهده بإذن الله (مضارع) لو كان فيه عمر راح أقابله العام الجاى (مضارع) واخرج ودموعى تزيد ملحه (مضارع) وباصب جراحي على جرحه (مضارع)
لكن الصدف اللي صاحبني (ماض) فى لحظات المتعه وشال همى (ماض) اتجمع وينادى عليا (ماض/مضارع) تعالى 00 تعالى ارجع (أمر) افرح واتلفت من شوقى (ماض) فيقول على فين (مضارع) لك عندى امانه ليه ناسيها (ماض) ازاى راح ترجع على قبرك (مضارع) من غير همك
الفعل المضارع 26 تقريبا الفعل الماض 6 تقريبا الأمر 3 فقط وهذا يعنى ببساطة هروب الشاعر من أى زمن قبل تواجده على شاطيء البحر هو لا يريد إلا لحظات الحاضر،وأكد ذلك برمي دماغه وكأنه تخلص منها، ثم تأتي الأصداف فى اليوم السابع لتذكره بما نسيه من هموم، وكيف سيعود لقبره/الحياة اليومية بدونها..!! ،وسوف نلاحظ اقتران الفعل المضارع بحرف الباء في معظم الأفعال وهو حرف ينوب عن الفاعل وكان بإمكانه أن يبدأ بأى حرف من حروف المضارعة الألف ،الياء،النون،التاء....(ببحث،باتسرسب،بافتح،باغوط،..........)
ساعد الشاعر على الاسترسال تفعيلة المتدارك(فعْلن /فعِلن) بتسكين العين وتحريكها إلا من تفعيلة واحدة
بدماغي رميت وسط القناديل على الشط ع الشط ــــــــــــــــــــــــــــــــــــ الصديق العزيز هذا قليل من كثير أتمنى أن تكون عدت هادئا ناعم البال وإن كنت أشك في ذلك،لأنها الحياة/الكبد الذي خلقنا فيه ولأجله | |
|
| |
حرفوش المجذوب المشرف العام
عدد المساهمات : 422 نقاط : 581 تاريخ التسجيل : 01/01/2010 العمر : 55
| موضوع: رد: يوميات بحرية الأربعاء يوليو 27, 2011 2:06 pm | |
| الغاليه سعدات شكرا لمرورك الكريم واشادتك الأكرم وسلمك الله من كل سوء وتقبل دعواتك الطيبه اما عن الإلتفات فليس بيد المرء الا يلتفت | |
|
| |
حرفوش المجذوب المشرف العام
عدد المساهمات : 422 نقاط : 581 تاريخ التسجيل : 01/01/2010 العمر : 55
| موضوع: رد: يوميات بحرية الأربعاء يوليو 27, 2011 2:12 pm | |
| الأخ الحبيب شقيق الروح والهم السيد جلال تمنيت لو أن الرحلة طالت اسبوعا أخر وطالت معها القصيده بغض النظر مضارع اوماضى ههههههههههه حقيقة تلميسك على المشتقات والمعانى ذات احساس عالى وكأنك كاتبها لما لا وكلانا داخل الأخر لكنى فى الحقيقه سعدت جدا هذه المره بالمصيف ويكفى الهواء الذى كان لا ينقطع طوال اليوم حتى اصابنى بالبرد وهذه المتعة هونت هم الرجوع بما حواه من منغصات شاركتنى فيها ههههههههههههه تقبل مودتى وخالص تقديرى وشكرى | |
|
| |
سعد سليم
عدد المساهمات : 63 نقاط : 95 تاريخ التسجيل : 16/05/2010
| موضوع: رد: يوميات بحرية الأربعاء أغسطس 03, 2011 11:37 pm | |
| أسعدنى كثيرا إيجاد متسع لأعيش لحظات بين أعز الأخوة والأصدقاء فى أقرب المنتديات إلى نفسى وأسعدنى أكثر هذا النص البديع للغالى ناصر صلاح والذى شوّقنى جدا للبحرعلنى أستمتع وأصوغ بعضا مما صاغه وأسعدنى أكثر هذا التحليل الواعى للصديق الرقيق الشاعر الرقيق السيد جلال وأعتذر عن فترة الغياب | |
|
| |
حرفوش المجذوب المشرف العام
عدد المساهمات : 422 نقاط : 581 تاريخ التسجيل : 01/01/2010 العمر : 55
| موضوع: رد: يوميات بحرية الخميس أغسطس 04, 2011 3:24 pm | |
| أين انت يا سعد قلقتنى عليك طمنى وللأسف الدمعه باظت وعليها الارقام لذا افشل قى الاتصال بك | |
|
| |
محمد البسيوني
عدد المساهمات : 31 نقاط : 45 تاريخ التسجيل : 06/08/2011
| موضوع: رد: يوميات بحرية الأحد أغسطس 07, 2011 10:13 am | |
|
أستاذنا الفاضل ناصر بك صلاح
مساء الخير ياأستاذنا ياكبير ، واحشنى
أرجو أن تتقبل اعتذارى عن التدخل
فى هذه الرائعة بالنقد فأنا لاأجيده ، ورحم
الله امرئ عرف قدر نفسه ، ولكنى فقط
أردت أن أوضح أننى دخلت لأقرا قصيدة
فوجدتنى أستمتع بنص من نصوص دكتور
وسعدت بعالم التشريح الذى أخذنا من المضارع
للماضى بالأمر !
أستاذى الفاضل
أسعدنى ماوجدته على صفحات المنتدى من
أساتذتنا الأفاضل فى التعمق الفنى فى الأعمال
لتزداد الإستفاده .
ويسعدنى أن أعلن لك أنه بعد عدة مشاوير لعدد
لابأس به من المنتديات الأدبيه ، أعتقد أننى
قد وجدت ضالتى فى منتدى شروق الأدبى .
سعدت بلقائكم وكل عام وأنتم بخير .
عدل سابقا من قبل محمد البسيوني في الأحد أغسطس 07, 2011 4:48 pm عدل 1 مرات | |
|
| |
حرفوش المجذوب المشرف العام
عدد المساهمات : 422 نقاط : 581 تاريخ التسجيل : 01/01/2010 العمر : 55
| موضوع: رد: يوميات بحرية الأحد أغسطس 07, 2011 2:44 pm | |
| اهلا اهلا يا بيسو شاعرنا الجميل محمد البسيونى الصديق والأخ الحبيب اهلا بك فى بيتك وبين احبابك واصدقاءك | |
|
| |
محمد البسيوني
عدد المساهمات : 31 نقاط : 45 تاريخ التسجيل : 06/08/2011
| موضوع: رد: يوميات بحرية الإثنين أغسطس 15, 2011 2:26 pm | |
| ياباشا انتوا فين ؟ هو انتم مخاصمين المنتدى ولا إيه ؟
عاوزين نفهم بس ؟
| |
|
| |
| يوميات بحرية | |
|