فاكــــــرة ..؟!
********
فاكـرة زمـان مـن كام سنــــــة
كـان الطـــريق وانتِ وانــــــــا
حضــن الــوطن بيضمنــــــــــا
وان يـــوم صادفنــــا ف مشينا
دمـــع الـمطـــــر أو بـللنـــــــــا
كــنا نـبــــص لـبـعـضـنــــــــــــا
نـلقى الإيــدين حاضـنة الإيــدين
وكأنهــــا بتقول لنــــــــــــــــا..!
إن الدفا مش من حرارة شمسنا
لأ مــن حــــــــــــرارة قلبــنــا..!
انتِ يا روح الــــــــروح وانــــا
فاكـرة زمان من كام سنــــة
كـنا مانـعـــرفــشـى السـُــكات
كـنا كـتير بـنقـــول حــاجــات
عن ماضـى عـد ا وبُـكرة آت
كنا بنهمس بالساعـــــــــــات
وحكاية بتجُر حكايـــــــــــات
والقاكِ يا ســت البنــــــــــات
بتقولى فوق الوقت فــــــــات
مـن غير ما ندرى بنفسنـــــا
اضحـك ساعتها بصوت انــا
وأهـمس أكيد بُـكرة هنـــــــــا
فاكرة زمـان مـن كام سنـــــة
كان الزمـــن خل وصديـــــــق
والكون بـراح ولافهشى ضيق
كـنتِ لـى أنـتِ كــل شـــــىء
وهوانا كان طاهر بـــــــرىء
دلوقـتى انا بعدك غريــــــــق
وف عتــمــة اللـيــل القميىء
ماشى الطريق من غير رفيق
والخطوة مش متطمنـــــــــة
علشان ما فيش انـتِ وانـــــا
وبعدنا شوفى كام سنـــــــــة