اصمد_قصيدة

موضوع: اصمد_قصيدة الأحد أكتوبر 24, 2010 4:39 am

اصمد
استهلال
مهما عليك حيـزيــد الحمـــــل
اصلب طولـك قـــــــد النخــــل
واوعى تطاطـى لقرص النحل
ما انت قابلـت وشُفــت كتيــــر
واتخطيت أزمــات بالفعــــــل
يبقى يا صاحبى وكـده بالعقــل
انت ضرورى ولازم تـُصمـــد
لاجل الصعب ما يصبـح سهـل
قصيده
عنــدى صديق شاطر وفصيح
عنــــده الــرد تملـــى مريــــح
لما شكيــت له مـــن التبـاريـح
قال لى صديقى وقوله صحيح
مهمــا تكون تعبان وجريــــح
حُط إيديك على جرحك واصمـد
اصمــــد أيوه قصــاد الريــح

عندى صديـق شاطر وفصيح
قال لى صديقى كتير واتكلــم
انت ضرورى ولازم تفهــــم
إنى كتيـــــر زيـــك باتألـــــم
بس لا باضعف ولا باستسلـم
علشان رغم الليل المُعتـــــــم
بكره أكيد حنشوف مصابيـح

عنـــدى صديق شاطر وفصيح
قال لى صديقى ف صبرك نصــرك
لـــو تتكعبـل قــــوم واتحـــرك
عَـــود إيـدك تسنــــد ضهـــرك
غيـــر منـديلك ما يحوش دمعك
كلمـــة باقولهـا جريح لجريــح
اصمـــد أيـوه قصـــاد الريـــح

كانت زمان أم كلثوم لما تغني كان كل اللي يسمعها يفتكر إنها بتغني علشانه أو بتوصف موقف خاص بيه هو بس وده الشبه بينها وبين قصيدة حضرتك خفيفة - سهلة - تمس الروح بسرعة - واللي يقراها يحس إنها بتحكي عنه فأكثر من رائعة..
ولك كل الشكر.

انت ضرورى ولازم تـُصمـــد
لاجل الصعب ما يصبـح سهـل

حاضر حنصمدوحنصبرهواحنا نقدرنعمل إيه غير كدة
ولا احناممكن نعمل إيه بعد ده
والله ده الصبر اشتكى
لكن حنصمدأوعدك

موضوع: رد: اصمد_قصيدة الخميس أكتوبر 28, 2010 8:22 am

صديقي أحمد
أشكرك على القصيدة
وأحييك على قدرتك على الصمود
رغم ما بك
ورغم ما تعاني من نوازل وملمات
أعانك الله عليها

والله ياأستاذ أحمد شكرتك مرة على القصيدة بس إنت تعبتنا وواضح من جمالها زي ماسبق وقلت لحضرتك إننا حنهنيك ونشكرك كتير عليها.

اصمد_قصيدة 87369166_GlitterArabicText_www.ward2u.com

موضوع: رد: اصمد_قصيدة الجمعة أكتوبر 29, 2010 4:53 am

بشكرك على القصيده الجميله وان شاء الله سيصبح الصعب سهلا بصمودك الذى سيزدادك صلابه ولانك ليس مثل اللذين مرضوا بمرض اللا مبالاه

موضوع: رد: اصمد_قصيدة الجمعة أكتوبر 29, 2010 7:58 am

اهلا اهلا بالصامد عبد الشافى الشاعر الكبير
فكرتنى بابيات عمنا فتحى السيد رحمه الله
بياع الصبر احتار
هيبيع الصبر لمين
بيدور ليل ونهار
لقى كل الناس صابرين
تحياتى ومودتى اخى الحبيب احمد

أنا طبعاً يشرفنى ويسعدنى أنك تحس أن القصيده بتتكلم عنك عارف ليه ؟ لأن هذاهوالمراد من رب العباد وما مبدع ألا وتمنى ذلك فلولاكم أنتم ماكنت أنا

أيوه طبعاً ياأستاذه لازم ولازم وكمان لازم نصمد أومال أيه على الأقل عشان نبقى زى الشخصيه إللى جسدها الفنان الكبير _عادل إمام _فى فليم السفاره فى العماره _ شريف خيرى رمز الصمود _ هههههههههههههههه

أنا إللى بشكرك ياصديقى الجميل الرائع وبحييك على قدرتك الفائقه فى الوقوف إلى جوار أصدقاءك ولاسيما فى الملمات والشدائد أعانك الله على ماهو عندك وأعاننا كذلك على مانحن فيه آمين يارب العالمين

بقى بذمتك ياشيخ أنا لوبجد وبحق وحقيق وجعت قلوب الناس زى ماانت بتقول كانوا حيعملوا زيك كده ويهدونى ورده لأ وإيه ورده مش أى ورده دى ورده حمره كمان ومش بس كده دا قال إيه ومعاها كلمة شكر طب ياريت كل الناس كانت تعمل زيك كده دانا كنت أزعلهم كل يووووووووووووووووووووووووووووووووم

يسرالله لكِ ياعزيزتى كل صعب _ وآلآن لكِ كل صلب _ وأزاح عنكِ كل هم وغم وكرب _ آمين آمين يارب العالمين

- لقى كل الناس صابرين _ يعنى من كتر صبرهم بقو واحده ست ههههههههههههههههههههههههههههه

صديقي الحبيب أحمد
اعمل اقتباس لكلام الصديق الذي تريد الرد عليه من بين المفاتيح الموجودة أعلى الصفحة
ثم اكتب تحت الاقتباس ما تريد قوله لنعرف لمن توجه كلامك

أشكرك ياصديقى العزيز بل وأخى الحبيب على أنك قد بصرتنى بما قد جهلت وأرشدتنى كذلك إلى مالم أكن أعلم ففوق كل ذى علم عليم ولكن مما قد يخفف بعض الشيىء من وطأة هذا الخطأ أنه فى مستهل كل رد أسم الشخص الموجه إليه
هذا مع خالص أمتنانى وبالغ شكرى

أحمد