رباعيات حزينة
ـــــــــــــــــــــــــــــــــــــــــــــــــــــــــــــــــــــ
شــوفوا بغددنا يا حول الله
ضـجت صــرخت قالت آه
م إللى مجرجر شعبه وراه
لمصير مش محـمــود عُقباه
كلمـة وجارك قالها صريحة
لو هنحارب بعض فضيحة
يا إللى جعلت الأمة جريــحة
إيـــــه بـــقى نلتـــو بـتتـمـناه
غير تشـــريد الشعب الطيب
دا إللى ما كانشى ف يوم يتعيب
وعشان كدا من وقت قريب
كنا ف ســـــاحة الوغى ويـاه
إيــه بــقى خدته من أوهامــك
غير تقطيع أوصالك أرحامك
يا إللي غلطــت وكان قُدامــك
تبــقي زعــيــم كُلنا نـــهــــواه
حـكم عقـلك حُـطُ ف راســك
لملم جــرحك وأحفـظ ناسـك
طهــر نفسـك من وسـواسـك
وأعـلـن تــــوبتك بــــقى لله
8 أغسطس 1990