يومياتي مع طه وعبدالله_5

* بابا خرج وإحنا قاعدين،طه ضرب عبد الله راح عبد الله يعيط جنب باب المكتب
ويقول: يا بابا طه ضربني،ماما ندهت عليه قالت له بابا نزل من بدري،
قال لها:آه صحيح أنا نسيت
******************
* جدي نده عليا وقال لي: تعالي يا شروق أعدلي الإريل عشان التليفزيون يتظبط ،
وقعد يسألني ويقول لي: عرفه الإريل، يا بت
قلت له : آه يا جدو عرفاه كل الناس عرفاه
قال لي : والله شكلك مش فاهمة حاجة
المهم بقي تمسكيه ناحية اليمين وزى ما أقولك أعملي
قلت له مستغربة جدا : هو أيه يا جدو؟!!!
جدو قال لي :شفتي ولا أنت فاهمه حاجه عمال اتكلم من الصبح وبرضه مش فاهمة،
قلت له:ماشي يعني أعمل الأريل ناحية اليمين وبس،وبعدين،وأنا ماشيه
بقول:يعني ويفرق أيه يمين من شمال
قال لي : اعملي وأنت ساكته دخلت وقفت في المطبخ
ومسكت كيس الإريل بتاع الغسيل وعملته ناحية اليمين وماما بتغسل إيديها
بتقول لي : تعالي الناحية دي شويه قلت لها:جدو قالي أمسك الإريل عشان التليفزيون
ماما قعدت تضحك وأنا واقفة مش فاهمة هي بتضحك ليه وخالتي وستى فضلوه يضحكوا
وجدو يقول: والله أنا عارف من الأول والله ما بتفهم وأنا برده واقفه زى ما أنا بالكيس لغاية
ماما جت وقالت لي : الإريل بتاع التليفزيون مش الأريل بتاع الغسيل

الله يا شوشو على براءه الاطفال الجميله
والله نفسى ارجع طفله تانى
وحشتينننننننننننننننننى جدا
وياريت تستمرى فى المشاركه معانا دائما

والله أنت زي القمر وأحلي كمان
ووالله انت وحشتيننننننننني قويييييييي
بس أنا عملت الواجب وقلت لبابا مرة وجيت لك
قولي أنت لباباكي مرة وتعالي بقي ولا أقوله أنا ؟

والله يا شوشو كنت ناويه اجى وحصلت الثورة
وربنا يستر لما انوى اجى تانى
بس والله ان شاء الله هاجى يا اجمل شوشو فى الدنيا

حلوة قوي

على فكرة كان كيس برسيل وأما دخلنا عليكى لقيناكى بتقولى (هو هيفرق برسيل من اريال طب أنا اعمل ايه مش لاقيه غير ده)

ازيك يا لولو
وحشتينى وانس عامل ايه
وابقى ابعتيه لشوشو علشان يدخل معاهم فى نوادرهم الضاحكة

صديقتي الجميلة المشرقة صاحبة ا الأ لقاء القوي المتميز شروق السيد جلال
أسلوبك جميل وهذا ليس بغريب علي أبنة مبدع وشاعر كبير تمنياتي لك بكل نجاح وتميز وتفوق ويوميات جميلة مع حبايب قلبي طه وعبد الله
مع كل تقديري واحتراماتي وخالص مودتي

شكرا علي خفة ظلك الموضوع جميل جدا بس فين طة وعبد اللة اكيد عملتي ليهم حاجة سخنة وسندوتشات علشان كدة سكتين

حبيبتى قطرات الندى
وانتى كمان ياقمر وحشانى خالص ونفسى فى يوم زى اللى قضيناه مع بعض
ويكون معانا رنيم وميور عشان أنس بيدور على عروسه

عندما قرأت تلك اليوميات وجدت نفسي أقرأ عمل أدبي متكامل ، ولم يدر بخلدي ان كاتب تلك اليوميات اديب صغير بل هو أديب متمرس فاهم كل اركان العمل الادبي (الشخصيات - الاحداث - العقدة او الحبكه - الاسلوب ......) ولا أملك الا ان اقول لابنتي شروق لي الشرف ان تلك الطفلة التي حملتها وعمرها اقل من عام ولم أرها منذ اكثر من 13 عام كبرت الآن واصبحت أصغر أديبة..