بيك أو من غيرك

بيك من غيرك رايحه أعيش ما انته عارف ما يهمنيش وبحب تحدي الزمن وكل الصعاب رايحه أعشها بدل ماعيش مع شخص زيك غير مؤتمن كداب أناني محتال كبير زي الزمن وعامل زي العنكبوت ينسج خيوطه للفريسة بوهم كبير من العهود أنا مش ها أقول صياد كبير لأن الصيد صبر وخير للمادد شباكه قاصد بيها رب كريم كنت فاكر سكوتي ضعف ومذلة ما هو اللي زيك ازاي يعرف يقدر الأمور ولو يسيطة ومايعرفش أن ممكن ضوء شمعة ينور لينا ضلمة طريق وأن الأيد لما نطبطب تبقي أحن من الصديق ولما الدموع تنسجن جوه العيون بتتحول مطر يروي جناين ويا الزهور بعد سنين العطش راجع تاني وتقول نمشي مع بعض الطريق ازاي تداوي الجراح وتتداوي قلبي اللي أنكسر في موج قوتك ونسيت أننا بشر ونسيت ان قلبي كان أمانه بين أيديك هو اللي أنكسر وتقول لي الربيع معاكي جي ويغطي من تاني الشجر لكن واضح أنك نسيت كم ربيع فضت له تلبية الندا ورفضت الخضوع للقلوب الطيبة وبقيت محارب في الخداع ومن كتر كدبك صدقت قناعك المزيف وفضلت مصر علي المستحيل دا المستحيل هو الرجوع من تاني ليك ولازم تعرف ان مش ممكن راح يعيش الكدابين مهما حاولوا يزيفوا ويلبسو من أقنعة متمثلة في وش بشر